కవితలు

ధర్మ రాహిత్యం ఒక సమీక్ష..! ”మా వాక్యాల విషయంలో వక్ర వైఖరిని అవలంబింస్తున్న వారు మా దృష్టిలో లేకుండా లేరు”. (ఫుస్సిలత్‌: 40) ధర్మ రాహిత్యం - నాస్తికత్వాన్ని అరబీలో ఇల్హాద్‌ అంటారు. ఇల్హాద్‌ అంటే, విషయాన్ని దాని సందర్భం నుండి తప్పించి వివరించడం. అలా తమ తప్పుడు విశ్వాసాలను, మిథ్యా సిద్ధాంతాలను నిజమయినవిగా రూఢీ చేసుకోవడానికి ఖుర్‌ఆన్‌ వాక్యాలకు వక్ర భాష్యం చెప్పేవారు, అల్లాహ్‌ నామాలు, గుణగణాల విషయంలో అనవసరంగా జోక్యం చేసుకునే వారు కూడా ఇందులో వస్తారు. అయితే నేడు ఈ పదం మత రాహిత్యం, నిజ దైవం యెడల నమ్మకం లేకపోవడం అన్న అర్థంలోనే ఎక్కువగా వాడబడుతున్నది. విశ్వ ప్రభువయిన అల్లాహ్‌ సమస్త మానవాళి కోసం ఆకాశం నుండి అవతరింపజేసిన ధర్మ విశ్వాసాలు మూడు మౌలిక విషయాల మీద ఆధార పడి ఉన్నాయి. 1) తౌహీద్‌ – నిజ దేవుని ఏకత్వం. 2) రిసాలత్‌ – ఆ నిజ దేవుని తరఫున దౌత్యం. 3) ఆఖిరత్‌ – పరలోక జీవితం. ఈ మౌలిక విశ్వాసాల్లోని ఏ ఒక్క విషయాన్ని తిరస్కరించినా దాన్ని ఇల్హాద్‌ – నాస్తికత్వం అంటారు. ఇలాంటి వితండవాదం చేసే వారిని ఖుర్‌ఆన్‌ దహ్‌రియా అని కూడా నామకరణం చేస్తుంది: ”మా జీవితం మటుకు ఈ ప్రాపంచిక జీవితం మాత్రమే. మేము ...

అంశం: *దేశాభివృద్ధిలో యువత పాత్ర* మనస్సు లోపలి తమస్సు తొలగించి అణగారిన సత్యాగ్ని కణం రగిలించి మమతానురాగాల దివ్వెలు వెలిగించి కష్ట జనులకై లేచు కరుణ కెరటంలాగా దుష్ట జనులకై మండు నరక కూపంలాగా మేం పోరాటానికి సిద్ధం గెలుపు మాకు తధ్యం మేం భావి భారత పౌరులం - మాకు లేదు ఏ కులం మేం ఈ దేశ భవుకులం - మాకు లేదు ఏ మతం ధరిత్రి దశ దిశల ధర్మ తేజ తోరణాలు కట్టి మనిషి బ్రతుక్కొక లక్ష్యం పెట్టి, శ్రుతి చుట్టి మాట మాటకి మంచి బాట లాగ అడుగు అడుగుకి ఆదర్శ మూట లాగ మేం రాజ్యాగాన్ని శ్వాసిస్తాం మేం సుమనస్కులం - కర్కశకం కాదు మా గుణం పైశాచిక పోకడల పొత్తి కడుపుల్లో కత్తులు దూసి భుక్త భక్తుల లోగుట్టుని బయటపెట్టి రక్తసిక్త చరిత్ర రసికుల్ని మట్టుపెట్టి రోత, రోధ, రసూముల రొంపిని పూడ్చి పెట్టి మేం కాంతికారులై వెలుగుతాం మేం క్రాంతి వీరులై ఎదుగుతాం పేరు: సయ్యిద్ అబ్దుస్సలామ్ ఉమరీ

నీ పయనం ఎటు..? తాడోపేడో తేలిపోవాలంటాడు. కోరికో కామమో ఎలాగయినా తీరిపోవాలి. ధనమో ఇంధనమో ఎలాగోలా వచ్చి పడాలి. స్వ ర్గమో నరకమో ఇక్కడే అనుభవించాలి చెడో చీకటో ఏదొకటి కావాలి. కత్తో సుత్తో ఏదొకటి పట్టాలి హత్యో హోమమో ఏదొకటి చేయాలి రచ్చో చిచ్చో దేన్నోకటి రగలించాలి. అపశృతో అపశుభమో ఏదోకటి వాగాలి. కట్నమో కాష్టమో ఏదోకటి తేలాలి సారాయో బ్రాందో ఏదోకటి తాగాలి పసికందో పండు ముసలో ఎవరొకర్ని చెరచాలి అలా కాక మనో తుచ్చ వాంఛల దాస్యం మాని మాధవుడు చూపిన బాటన నడిస్తే లక్షల్ని కాదు లక్ష్యాల్ని సాధిస్తే ఇజానికి కాదు నిజానికి ఓటేస్తే నేటి పౌరులంతా లోక కళ్యాణాన్ని సత్సమాజ స్వాప్నిక జగత్తును యదార్థం చేసే రథసారథులవుతారు. పేరు: సయ్యిద్ అబ్దుస్సలామ్ ఉమరీ

అంశం: వెలుగు చీకట్లు ఆత్మజ్యోతిని వెలిగించండి! చాలా చీకటిగా ఉంది ముఖం మీద ముసుగును తీయండి! చాలా చీకటిగా ఉంది చీకటీ వేస్తున్న ప్రణాళికలో ప్రతిభ కాదు కావలసింది పలుకుబడి మనుషులు ప్రేమించడం, జీవించడం కాదు దాని సంస్కృతి ద్వేషించటం, నటించటం వివేక కిరణాన్ని మేల్కొల్పండి! చాలా చీకటిగా ఉంది మత్తెక్కిన విద్యా విజ్ఞానాలు మానవత్వానికి మంటలు పెడుతున్నాయి. ప్రాథమిక హక్కుల వృక్షాల మీద పల్లవిస్తున్న అవకాశాల ఆకుల్ని మేక తోలు కప్పుకున్న తోడేళ్ళు మేసేస్తున్నాయి. ధర్మ దీపాలు వెలిగించండి! చాలా చీకటిగా ఉంది కారుచీకటి నేలదున్ని కాంతిని పండించవలసిన పురుషోత్తములు ఉత్త పుర ప్రముఖులవుతున్నారు పేరాశ విషప్రేతాలు ప్రళయతాండవం చేస్తుంటే శిక్షించవలసిన ప్రజాస్వామ్య పుంగవులు పస లేని ప్రాణులుగా ప్రణమిల్లుతున్నారు విప్లవ శంఖం పూరించండి! చాలా చీకటిగా ఉంది శాంతి తం త్రి నిందించండి! చాలా చీకటిగా ఉంది హామీ పత్రం: ఇది నా స్వీయ రచన పేరు: శాంతి ప్రియ

దేశాభివృద్ధిలో యువత పాత్ర ఎక్కడికి పోతున్నాడు యువకుడు? ఎక్కవలసిన సుకీర్తి శిఖరాలపైకా దిక్కుమాలిన పాపాల నరక కూపాల్లోకా ఎక్కడికి పోతున్నాడు? ఏ సుడిగుండాల్లో చిక్కుకుపోతున్నాడు? సత్య యుగం నుంచి మిథ్యా లోకంలోకి దూకి, మిథ్యాలోకంలోంచి రాకెట్‌ యుగానికి ఎగబ్రాకి మళ్ళీ వెనక్కి నడుస్తున్నావా మనుషుల్ని మనుషులే తిన్న అమానుష బర్బరయుగంలోకి అసభ్యతా విష ప్రభంజనం ఆకులు రాల్చిన జజ్జర యుగంలోకి. ఇన్ని మరకలా? ఈ అద్దానికి ఇకనయినా తుడిచి పెట్టు ఇన్ని రుచులా? ఈ దేహానికి ఇకనయినా వదలి పెట్టు పోగుల్లాగా తెగిపోతున్న హృదయాల్ని ముడిపెట్టు పరిస్థితి విషమించక ముందే చేయందించి నిలబెట్టు తీవెల్లే ఒదిగే పచ్చని భావాలకు శ్రుతి కట్టు దమన నీతి సాగించే మానవ సైతానుల భరతం పట్టు మానవ జాతి విముక్తికి నెత్తుట తడిసిన సత్యకేతనానికి జైకొట్టు సహనాన్ని మడిచి పెట్టీ సవాలంటూ తొడగొట్టు. అణ్వస్త్రాలతోపాటు అంతరాలు అంతమవ్వాలి గ్రహాలతోపాటు ఆగ్రహాలను గెలవాలి చెట్టాపట్టాలు పట్టుకున్న సౌజన్యం పట్టాలపై పయనించాలి ప్రతి అధరంపై దరహాసం చిందాలి. ప్రతి బీడులో మమతల మల్లెలు పూయాలి. పేరు: శాంతి పియ్ర

అంశం: *నేటి భారతం* మనిషితనం అంతరించే అవనీతలాన మృగత్త్వం తాండవించే మణిపూర్ హర్యానా మానవత్వం మంటగలిసే నేటి భారతాన దానవత్వం హూంకరించే ఈ జగాన మెడికల్ మాఫియా ఈ గట్టు భూ మాఫియా ఆ గట్టు విద్యా మాఫియా ఈ గట్టు డ్రగ్స్ మాఫియా ఆ గట్టు ఈ గట్టు గుట్టు తెలియని మనిషికి తీరని గాట్లు నేటి భారతానా ఇవే సగటు పౌరుని అగచాట్లు నింగి నేల గాలి నీరు చదువు చరిత అంతా కాలుష్యమయం విలువల వలివల్ని వలిచివేస్తున్న విష స్వరూపుల విధ్వంశం అడుగుతొంది భారత దేశం ఈ భయపీడిత వాతాతవర ణం దేనికి? అధికార మదంతో ఆదివాసీలతో ఆటాడుకోవడం దేనికి? పదవీ వ్యామోహంతో గల్లీ గల్లీలో ఈ రక్తపుటే ర్లు దేనికి? ఒకప్పటి బంగరు పక్షిని పంజరంలో పక్షిని చేశారెందుకు? అందుకే కలిసి కదలాలి మనమందరం జై కిసాన్ జై జవ్వాన్ అవ్వాలి మన నినాదం చేటు చేసే చట్టాలకు పాడాలి చమరగీతం దేశ సుభిక్షత కోసం సమిదిలా నిలవాలి మనం దేశ సంక్షేమం కోసం ఫిరంగిలా మారాలి మనం పేరు: సయ్యిద్ అబ్దుస్సలామ్ ఉమరీ

.* *అంశం: ఓటు నీ ఆయుధం* కొత్త పాత్రలు వేదిక మీదికి వస్తూనే ఉంటాయి నాటకం మాత్రం పాతదే ప్లే చేయబడుతుంది ముళ్ళ బాటన సాగుతున్నాను నన్ను నేను కాపాడుకుంటూ పాపిష్టి పాడు రాజకీయాలు నాకు కొత్తేమీ కాదు నిజాన్ని అర్థం చేసుకోవడానికి రాజకీయాలు అనుమతించవు మన ముఖం మనకే కన్పించదు మనల్ని మనమే గుర్తించలేము క్షణక్షణం రంగు మారే ఊసరవెల్లి తనని తెలుసు కానీ తనదే చాలా ప్రభావవంతమైన ముఖం మనో వాంఛలే పాలన సాగిస్తున్నాయి దొంగలే దొరలుగా చెలామణవుంతున్నారు వారు కొంగ్రొత్త జిమ్మిక్కులు చూపుతూనే ఉన్నారు చప్పట్లు కొట్టి ప్రజలే అలసిపోతున్నారు వొట్టి కుర్చీ మాత్రమే మీ పాడే కాదుగా ఏమీ చేతకానప్పుడు దిగిపోరెందుకు? ప్రతి చోటా ప్రతిధ్వనిస్తున్న మాట మీ నుండి మాకు ఏమీ అక్కర్లేదు దయచేసి మాకు మాత్రమే ఓటు వేయండి నేను ఓటు ఎవరికి వేయాలి? నా ఓటు జన్మభూమిని పుణ్యభూమిని చేసే వారికే బడుగు బలహీనుల భవిష్యత్తును బంగారం చేసే వారికే మృగత్వం మెడలు వంచి మానవత్వాన్ని గెలిపించేవారికే అశాంతిని అంతమొందించి శాంతి తంత్రీ నిందించే వారికే పేరు: సయ్యిద్ అబ్దుస్సలామ్ ఉమరీ

తెల్లారక ముందే తెల్లారుతున్న బతుకులు అద్ధం జీవితం. -అబద్దమాడకు యుద్ధం జీవితం ఆధైర్యపడకు ఒకేసారి ఒకే క్షణంలో – అటు అంతఃపురంలో పుత్రోదయ పరమోత్సాహం – ఇటు పట్టణ చివర మురికివాడలో పూరి గుడిసెలో ఏ దిక్కూ లేని తల్లి చింకి బట్టల పొత్తిళ్ళలో – పసిబిడ్డ ఆక్రందనం. దిక్కుమాలిన ఆ తల్లి తన బిడ్డను చూసి బాబూ! ఈ భూమంతా దుఃఖమయం. వేదన-హింస-బాధ అక్రమం అన్యాయం-పగ-ద్వేషం – ప్రేమరాహిత్యం నాయనా! నేను నీకు ఇచ్చేందుకు నాదగ్గర కన్నీళ్ళు తప్ప మరేమి లేవు తండ్రీ! పాలుకు బదులు కన్నీళ్ళతో కదుపు నింపుకొని జీవించగలవా బిడ్డా! చలికి వణికే నిన్ను కప్పేందుకు నా వట్టి చేతులు తప్ప పట్టు బట్టలు లేవు నా చేతులు నీకు వేడినిస్తాయా బాబూ! నా ఒడి నీకు బడి కాగలదా నాన్నా! ఒకేసారి ఒకే ఘడియలో అటు అట్లూరు మండలంలోని ఆడకూతురు పుట్టినందుకు ఆనందోత్సవాలు-ఇటు పల్లెటూరులో చెట్టు క్రింద పేద తల్లి పాకి బట్టల మధ్య వెక్కిళ్ళతో ఎర్రబడ్డ పసికూన చెక్కిళ్ళు పేదైన ఆ తల్లి తన కూతురుని చూసి ప్రియాతి ప్రియమైన నా చిట్టి తల్లీ! నీకు ఇచ్చేందుకు ఈ పేద తల్లి దగ్గర ఒక్క ప్రేమతప్ప ఇంకేమీ లేదమ్మా! స్త్రీగా నేను అనుభవిస్తున్న విషాద జీవితాన్ని పంచుకోవడానికి ఆత్...

తెల్లారిన బతుకులు చితికిన లెక్కలేనన్ని బతుకులు అడుగడుగునా విలపిస్తున్నాయి అభిమానం లేని ఆత్మలు అంగడి సరకులా అమ్ముడుపోతున్నాయి మద్యం మత్తులో కార్లు బస్సులు రైళ్లు దూసుకుపోతున్నాయి వలస కూలీల బతుకులు తెల్లారక ముందే తెల్లారి పోతున్నాయి దూతలు దిగొచ్చి వారి దేహాలకు అత్తర్లు పూస్తారు ఏ పసి మొగ్గలైతే రైలు డబ్బాల్లో చెత్త ఊడుస్తుంటారో కూడు గూడు గుడ్డ అన్న పదాలు నేటికీ చేతిలో పట్టుకొని ప్రశిస్తున్నారు మేతావుల్ని రేపటి భారత భాగ్య విధాతలు పిల్లల ఫీజులు, వారి పుస్తకాలు, పెన్నులు పేద కళ్లలో పాఠశాల గుచ్చుకుంటూనే ఉంది పచ్చని పొలాల్లో పేదరికం పండటం మొదలు హలం హాలాహలమై పొలం గట్టునే పాగవేసింది మార్గమధ్యంలో ఒక మృతదేహం పక్కనే వ్రాసి ఉంది విషపూరితమైన రొట్టె కూడా ఆకలిలో తీపిగా అనిపిస్తుంది ఆకలి బతుకులు తెల్లారక ముందే తెల్లారుతున్నాయి అట్టహాస ఆడంబరులు వజ్రంతో గొంతు కోసుకుంటున్నారు దూరం జరగండి కన్నీళ్లు తుడుచుకోండి అటు చూడండి రైలు బండి వస్తున్నది నేను మిమ్మల్ని వీడి వెళ్ళేవాడినే కాను కానీ, పేదరికం నన్ను లాక్కెళుతున్నది పేరు: సయ్యిద్ అబ్దుస్సలామ్ ఉమరీ

భారత దేశ ప్రజల మైన మేము ఈ దేశ ప్రజలమైన మేము దేశ సేవలో తరిస్తాం ఏదో ఒక రోజు ఈ భూమిని స్వర్గంగా మారుస్తాం హృదయాల్లో దేశాభిమానం ఉంటే ఐక్యంగా ఉండండి కలిసి ఉంటేనే ఈ పూదోట పచ్చగా ఉంటుంది ఇచ్చోటనే ఈ దినానే ఈ ప్రకటన జరిగింది చీకట్లు ఓడిపోయాయి వెలుగులు విరబూశాయి జై హింద్ అన్న నినాదాలు మిన్నంటాయి స్వేచ్చా స్వాతంత్రయాలు సిద్ధించాయి నా జన్మ భూమి మట్టి మీద మడమలను రుద్దనివ్వండి ఇక్కడి నుండి జలనిధి పెల్లుబుకుతుందన్న నమ్మకం నాకుంది మాతృభూమి రక్షణ తన, ధన,మానాలకంటే మహోత్కృష్టమైనది నా దేశం కోసం ఒక కఫన్ ఎప్పుడూ నాతోనే ఉంటుంది ఓ దేశమా! మేము నీ బిడ్డలమే నీ అభ్యుదయం అభివృద్ధే మా ధ్యేయం కలిమిలోనూ లేమిలోనూ మా హృదయానికి ఊరట నువ్వు భరత మాత బిడ్డల్లారా! ధైర్యంగా నడుం బిగించండి నక్కలు తోడేళ్ళు తోక ముడిచేలా మెరుపుదాడి చేయండి మన బంగరు భవితకు మనమే దారులు వేసుకోవాలి మన దేశ సమస్యల సుడిగుండాల్ని మనమే దాటాలి ప్రాణాలను పుణ్యపుడమి కోసం తృణప్రాయంగా ఇచ్చెయ్యాలి ప్రపంచమే మెచ్చుకునేలా మనలో చైతన్య స్ఫూర్తి నిండాలి మనిషి బతకాలి మానవత్వం వర్ధిల్లాలి!

శీర్షిక: అద్భుత మంత్రం! సామాన్యుడన్నాడు: కారు మేఘాలు క్రమ్ముకుంటూన్నాయి కష్టాల కడగండ్లు ముసురుకుంటున్నాయి అని నేనున్నాను: కరుపు కరువు ఉండని నవ్వవయ్యా బాబూ అని వృధుడన్నాడు: బేటా! ఆరోగ్యం క్షీణించుకుపోతున్నది ఇక నా కథ కంచికే నేను మాత్రం మింటికే అని నేనున్నాను: గయా కల్ ఫిర్ ఆతా నహీ నవ్వవయ్యా తాతా అని యువకుడన్నాడు: నా ప్రేమ నన్ను వీడి పోయింది నా బతుకుని బుగ్గిపాలు చేసినది, చేసుకున్న బాసలు చెరిగిపోయాయి నా గూడు చెదిరింది, నా గుండె పగిలింది నేనెలా నవ్వాలి? అని నేనున్నాను: ఈ క్షణం కూడా దాటిపోతుంది నవ్వవయ్యా బాబూ అని ఆమె అన్నది: సంసారం ఒక చదరంగం పెద్ద జంఝాటం కంటికి కునుకు లేదు ఒంటికి ఓరిమి లేదు అని నేనన్నాను: జీవితం అంటేనే పోరాటం నవ్వవమ్మా చెల్లీ అని అతనన్నాడు: శత్రువులు నన్ను చుట్టుముట్టారు, మతమౌఢ్య ముష్కరులు మంది మార్బలంతో ముట్టడించారని నేనన్నాను: నూరు గొడ్లను తిన్న రాబందు అయినా ఒక్క తుపానుకు కుప్పకూలడం ఖాయం..నవ్వవయ్యా బాబూ అని కడుపేదన్నాడు: తినడానికి కూడు లేదు ఉండటానికి గూడు లేదు తొడుక్కోవడానికి గుడ్డ లేదు, జేబులో ఒక చిల్లిగవ్వ కూడా లేదు అని నేనున్నాను: ప్రాణముంద...

శీర్షిక: నిర్మాణానికి నిచ్చెన నవ్వు మానవ తోటలో మందస్మిత మందారాలు పూయించండి, సప్త రంగుల హరివిల్లయి హాస్య మాలికలను ఆహ్వానించండి మహనీయ ముహమ్మద్ (స) మందస్మిత ప్రియులు “చిరునవ్వు కూడా పుణ్యకార్యమే” అని ప్రబోధించిన ఘనులు పసికూనల్ని పచ్చని నవ్వుతో పలుకరించండి దాని మధుర ఫలం పరలోకంలో దక్కునని గ్రహించండి చిరుజల్లుతో తూరుపుతామర విరబూస్తుంది చిరునవ్వుతో మనస్సు తమస్సు వైదొలుగుతుంది అనాధల, వితంతుల, వికలాంగులను అక్కున చేర్చుకోండి బడుగు బలహీనుల బతుకులు బజారు పాలు కాకుండా ఆదుకోండి విరుపును అరువివ్వండి విచారాల తరువును తొలగించండి విశ్వవిధాత సయితం హర్షించేలా విశ్వప్రాణుల్ని ప్రేమించండి మతోన్మాదుల్ని మృగోన్మాదుల్ని మందహాస మహాస్త్రాలతో నిర్మూలించండి మానవ నిర్మాతలయి సౌజన్య ప్రదాతలయి సౌమనస్యాన్ని స్థాపించండి నవ్వే నాకలోకానికి మార్గం చిరునవ్వే నరకాగ్నిని ఆర్పే జీవ జలం హలం బలం ఎంతున్నా హాస్యం లేకుంటే జీవితం హాలాహలం మందహాసం మహాత్ముల విశేష లక్షణం, అది మానవ శ్రేయోదయానికి మూలాంకురం చచ్చేనాటికి చిరునవ్వు మన ముఖం మీద ఉండాలి చచ్చేటంతటి ప్రేమతో జనం కన్నీటి వీడ్కోలు పలకాలి పేరు: సయ్య...

అంశం: నేను భారతీయుడిని శీర్షిక: మేం భారతీయులం సయ్యిద్ అబ్దుస్సలామ్ ఉమరీ మేం భారతీయులం - విశ్వ జన శ్రేయోకాముకులం మనస్సు లోపలి తమస్సు తొలగించి అణగారిన సత్యాగ్ని కణం రగిలించి మమతానురాగాల దివ్వెలు వెలిగించి కష్ట జనులకై లేచు కరుణ కెరటంలాగా దుష్ట జనులకై మండు సూర్య బింబంలాగా మేం పోరాటానికి సిద్ధం - గెలుపు మాకు తథ్యం! పైశాచిక పోకడల పొత్తి కడుపుల్లో కత్తులు దూసి భుక్త భక్తుల లోగుట్టుని బయటపెట్టి రక్త సిక్త చరిత్ర రసికుల్ని మట్టుపెట్టి రోత, రోధ, రసూముల రొంపిని పూడ్చి పెట్టి మేం కాంతికారులై వెలుగుతాం - మేం క్రాంతి వీరులై ఎదుగుతాం మేం సుమనస్కులం - కర్కశకం కాదు మా గుణం మేం సాత్వికులం - తామసం కాదు మా లక్షణం మేం భారతీయులం - సమరస క్షేత్ర శ్రామికులం మేం విభజించి పాలించు విధానానికి విరోధులం మేం వర్గ, వర్ణ, ,మత పీడనలు సహించం విశ్వ మానవ సౌభ్రాతృత్వ్యం మా ఆశ ఆశయం విశ్వ మానవ కణ్యాణం మా మా జీవిత లక్ష్యం మూఢ నమ్మకాల బూజు దులిపి, మానవత్వపు దివ్వెలు వెలిగించి తూటాలకు ఎదురొడ్డి.. తీవ్రవాదుల పీచమణిచి స్వార్థ సంకుచితల చిచ్చు నార్పి మేం చైతన్య రథసారధులం - సత్సమాజ స్థాపనే మా ధ్యేయం ఇందుగ్గాను - ని...